Euzko Gaztedik, Zamudion dauden El Correoren instalazioen aurka, ETAren azken atentatua indarrez gaitzesten du.

Adierazpen askatasunaren aurkako eraso honi buruz, EGIk bere elkartasuna adierazten die langileei eta Euzkadin lan egiten duten kazetari guztiei ere bai.
Azkenik, Euzko Gaztedik El Correoren enpresa-batzorde eta Euskal Kazetarien elkarteak antolatu duten kontzentrazioetara joatera deitzen du hiritargoa, bihar astelehenean, ekainaren 9an, 12:00 etan Bilboko Arriaga antzokiaren aurrean.